ಯೋಗರಾಜ್ ಸಿನಿಮಾಸ್ ಮತ್ತು ಪರ್ಲ್ ಸಿನಿ ಕ್ರಿಯೇಶನ್ಸ್ ಜಂಟಿಯಾಗಿ ನಿರ್ಮಿಸುತ್ತಿರುವ ಕುಲದಲ್ಲಿ ಕೀಳ್ಯಾವುದೋ ಸಿನಿಮಾದ ಮುಹೂರ್ತ ಇವತ್ತು ಜರುಗಿದೆ.
ಮಡೇನೂರು ಮನು ಮತ್ತು ಸೋನಲ್‌ ಮಾಂತೆರೊ ಅವರು ನಾಯಕ-ನಾಯಕಿಯಾಗಿದ್ದಾರೆ. ವಿಶೇಷ ಪಾತ್ರದಲ್ಲಿ ರಂಗಾಯಣ ರಘು ಮತ್ತು ಶರತ್ ಲೋಹಿತಾಶ್ವ ಅವರುಗಳು ಕಾಣಿಸಿಕೊಳ್ಳುತ್ತಿದ್ದಾರೆ. ಮನೋಮೂರ್ತಿಯವರ ಸಂಗೀತ, ನಿರಂಜನ್ ಬಾಬು ಅವರ ಛಾಯಾಗ್ರಹಣ, ಯೋಗರಾಜ್ ಭಟ್ ಮತ್ತು ವಿದ್ಯಾ-ಸಂತೋಷ್ ಕುಮಾರ್ ಅವರುಗಳ ನಿರ್ಮಾಣವಿದೆ. ರೇಣುಕ ಯೋಗರಾಜ್ ಭಟ್‌ರವರ ನಿರ್ಮಾಣ ಮೇಲ್ವಿಚಾರಣೆ, ಲೋಕೇಶ್ ಸಣ್ಣಯ್ಯ ಅವರ ಕಾರ್ಯಕಾರಿ ನಿರ್ಮಾಣವಿದೆ. ಇಷ್ಟು ದಿನ ಹಾಸ್ಯ ಪಾತ್ರಗಳಲ್ಲಿ ಜನರನ್ನು ರಂಜಿಸುತ್ತಿದ್ದ ಮಡೆನೂರು ಮನು ಇದೀಗ ಮೊದಲ ಬಾರಿಗೆ ಬೆಳ್ಳಿ ಪರದೆಯಲ್ಲಿ ನಾಯಕನಟರಾಗಿ ಎಂಟ್ರಿ ಆಗುತ್ತಿದ್ದಾರೆ. ಈ ಸಿನಿಮಾಗಾಗಿ ಸಾಕಷ್ಟು ವರ್ಕೌಟ್ ಮಾಡಿರುವ ಮಡೆನೂರು ಮನು ಅವರಿಗೆ ಈ ಸಿನಿಮಾ ಹೊಸ ಬ್ರೇಕ್ ಕೊಡುವ ಸಂಭವವಿದೆ
ಯೋಗರಾಜ್ ಭಟ್ ಅವರೊಂದಿಗೆ ಸುಮಾರು ಸಿನಿಮಾಗಳಲ್ಲಿ ನಿರ್ದೇಶನ ವಿಭಾಗದಲ್ಲಿ ಕೆಲಸ ಮಾಡಿದ್ದ ಶ್ರೇಯಸ್ ರಾಜ್ ಶೆಟ್ಟಿಯವರ ಮೊದಲ ನಿರ್ದೇಶನದಲ್ಲಿ, ಯೋಗಿ ಗೌಡ ಅವರ ಕತೆ, ಚಿತ್ರಕತೆ ಮತ್ತು ಸಂಭಾಷಣೆ ಇರಲಿರುವ ಸಿನಿಮಾ.ಚಿತ್ರದ ಮೊದಲ ಪೋಸ್ಟರ್ ರಿಲೀಸ್ ಮಾಡಿರುವ ನವರಸನಾಯಕ ಜಗ್ಗೇಶ್ ಅವರು ಸಿನಿಮಾ ತಂಡಕ್ಕೆ ಪ್ರೀತಿಯಿಂದ ಶುಭ ಹಾರೈಸಿದ್ದಾರೆ.
