ಹಾಡು ಮತ್ತು ಟ್ರೈಲರ್ ಮೂಲಕ ಸಖತ್ ಸದ್ದನ್ನು ಮಾಡಿದ್ದಂತಹ ಸಿನಿಮಾ ಸದ್ದು ಮಾಡಿತ್ತು ತೋತಾಪುರಿ(Totapuri) ಅನಂತರ ರಿಲೀಸ್ ನಂತರ ಕೂಡಾ ಪ್ರೇಕ್ಷಕನ ಮನಸ್ಸನ್ನು ಗೆದ್ದಿತ್ತು. ಇನ್ನು ಈಗ ‘ತೋತಾಪುರಿ-2’ ಸಿನಿಮಾ ತೆರೆಯ ಮೇಲೆ ಮಿಂಚಲು ಸಜ್ಜಾಗಿದೆ. ಇತ್ತೀಚೆಗೆ ಹೊರ ಬಂದ ಈ ಸಿನಿಮಾದ ಪೋಸ್ಟರ್ ಗಳು ಮತ್ತು ಹಾಡು ಜನರ ಗಮನವನ್ನು ಸೆಳೆದಿದ್ದು, ಇವು ಸಿನಿಮಾದ ಮೇಲೆ ನಿರೀಕ್ಷೆಗಳನ್ನು ದುಪ್ಪಟ್ಟು ಮಾಡಿದೆ.
ಇದೇ ಮೊದಲ ಬಾರಿಗೆ ಜಗ್ಗೇಶ್ (Jaggesh) ಡಾಲಿ ಧನಂಜಯ್ ( Dali Dhananjay ) ಕಾಂಬಿನೇಷನ್ ಒಂದು ಆಕರ್ಷಣೆಯಾಗಿದ್ದರೆ, ಇನ್ನೊಂದು ಕಡೆ ಸಿನಿಮಾ ಎರಡು ಭಾಗಗಳಲ್ಲಿ ಮೂಡಿ ಬರುತ್ತಿರುವುದು ಮತ್ತೊಂದು ವಿಶೇಷವಾಗಿದೆ. ವಿಭಿನ್ನ ಪಾತ್ರಗಳ ಮೂಲಕ ಸ್ಯಾಂಡಲ್ವುಡ್ ನಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ನಟ ಧನಂಜಯ್ ಅವರು ಈ ಸಿನಿಮಾದಲ್ಲಿ ಮತ್ತೊಮ್ಮೆ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ನೀಡಲು ಸಜ್ಜಾಗಿದ್ದಾರೆ.
ತೋತಾಪುರಿ ಸಿನಿಮಾದಲ್ಲಿ ಡಾಲಿ ಧನಂಜಯ್ ಅವರ ಪಾತ್ರದ ಪರಿಚಯವಾಗಿತ್ತು. ಆದರೆ ಅಲ್ಲಿ ಧನಂಜಯ್ ಅವರ ಪಾತ್ರದ ಬಗ್ಗೆ ಹೆಚ್ಚು ವಿಷಯಗಳನ್ನು ಚಿತ್ರ ತಂಡ ರಿವೀಲ್ ಮಾಡಿರಲಿಲ್ಲ. ಆದರೆ ಈಗ ತೋತಾಪುರಿ 2 ಸಿನಿಮಾ ಬಿಡುಗಡೆಗೆ ಸಜ್ಜಾಗಿರುವ ವೇಳೆಯಲ್ಲಿ ಧನಂಜಯ್ ಅವರ ಪಾತ್ರದ ಬಗ್ಗೆ ಒಂದಷ್ಟು ಮಾಹಿತಿ ಹೊರಗೆ ಬಂದಿದೆ. ಡಾಲಿ ಈ ಸಿನಿಮಾದಲ್ಲಿ ನಾರಾಯಣ ಪಿಳ್ಳೆ ಎನ್ನುವ ಉದ್ಯಮಿಯಾಗಿ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ ಎನ್ನಲಾಗಿದೆ.ಆಗಸ್ಟ್ 10 ರಂದು ತೋತಾಪುರಿ 2 ತೆರೆಗೆ ತರುವ ಪ್ರಯತ್ನ ಚಿತ್ರತಂಡ ನಡೆಸುತ್ತಿದೆ.
