ದಕ್ಷಿಣ ಸಿನಿಮಾ ರಂಗದ ಬಹು ಬೇಡಿಕೆಯ ನಟಿ ರಶ್ಮಿಕಾ ಮಂದಣ್ಣ ಕನ್ನಡ ಮತ್ತು ತೆಲುಗು ಸಿನಿಮಾಗಳ ಮೂಲಕ ಸಾಕಷ್ಟು ಹೆಸರನ್ನು ಮಾಡಿರುವ ನಟಿಯಾಗಿದ್ದಾರೆ. ರಶ್ಮಿಕಾ ವೃತ್ತಿ ಜೀವನದಲ್ಲಿ ಅವರ ಮೊದಲ ಸಿನಿಮಾ ಅವರ ಪಾಲಿಗೆ ಅದೃಷ್ಟವನ್ನು ಹೊತ್ತು ತಂದಿತ್ತು.ಆ ಸಿನಿಮಾದ ನಂತರ ಸಾಲು ಸಾಲು ಸಿನಿಮಾಗಳಲ್ಲಿ ನಟಿ ಬ್ಯಸಿಯಾದರು. ತೆಲುಗು ಸಿನಿಮಾ ರಂಗಕ್ಕೆ ಎಂಟ್ರಿ ನೀಡಿ ಅಲ್ಪಾವಧಿಯಲ್ಲೇ ಅಲ್ಲಿನ ಸ್ಟಾರ್ ನಟಿಯರಲ್ಲಿ ಸ್ಥಾನವನ್ನು ಪಡೆದುಕೊಂಡು ಅನಂತರ ಬಾಲಿವುಡ್ ಗೂ ಎಂಟ್ರಿ ಕೊಟ್ಟರು.
ಬಾಲಿವುಡ್ ಗೆ ಎಂಟ್ರಿ ನೀಡಿದ ಮೇಲೆ ರಶ್ಮಿಕಾ ಮೂರು ಸಿನಿಮಾಗಳಲ್ಲಿ ನಟಿಸಿದ್ದು, ಅವರ ಮೂರನೇ ಸಿನಿಮಾ ತೆರೆಗೆ ಬರುವುದು ಬಾಕಿಯಿದೆ. ಬಾಲಿವುಡ್ ಗೆ ಎಂಟ್ರಿ ನೀಡುವ ಅನೇಕ ನಟಿಯರ ಕನಸು ಬಾಲಿವುಡ್ ನ ಕಿಂಗ್ ಖಾನ್ ಶಾರೂಖ್ ಖಾನ್ ಜೊತೆ ನಟಿಸುವುದೇ ಆಗಿರುತ್ತದೆ. ಈಗ ನಟಿ ರಶ್ಮಿಕಾಗೆ ಅಂತಹುದೊಂದು ಅವಕಾಶ ಅರಸಿ ಬಂದಿದೆ ಎನ್ನುವ ಸುದ್ದಿ ನಟಿಯ ಅಭಿಮಾನಿಗಳಿಗೆ ಖುಷಿಯನ್ನು ನೀಡಿದೆ.
ಹೌದು, ಬಾಲಿವುಡ್ ನ ರಾಜ್ ಫಿಲ್ಮ್ ನಿರ್ಮಾಣದ ಜಾಹೀರಾತೊಂದರಲ್ಲಿ ರಶ್ಮಿಕಾ ಮಂದಣ್ಣ ಶಾರೂಖ್ ಖಾನ್ ಜೊತೆಗೆ ನಟಿಸಲಿದ್ದಾರೆ ಎನ್ನಲಾಗಿದೆ. ಬಾಲಿವುಡ್ ನಲ್ಲಿ ಸಕ್ರಿಯವಾಗಿರುವ ನಟಿ ಜಾಹೀರಾತುಗಳಲ್ಲಿ ಸಹಾ ನಟಿಸುತ್ತಿದ್ದಾರೆ. ತೆಲುಗಿನಲ್ಲಿ ಪ್ರಸ್ತುತ ರಶ್ಮಿಕಾ ಪುಷ್ಪ 2 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಬಾಲಿವುಡ್ ನಲ್ಲಿ ನಟಿಯ ಅನಿಮಲ್ ಸಿನಿಮಾ ಬಿಡುಗಡೆ ಆಗಬೇಕಾಗಿದೆ.
