ದಕ್ಷಿಣ ಭಾರತದ ಸ್ಟಾರ್ ನಟಿಯಾಗಿ ಸಾಕಷ್ಟು ದೊಡ್ಡ ಹೆಸರನ್ನು ಮಾಡಿರುವ ನಟಿ ತಮನ್ನಾ ಭಾಟಿಯಾ, ಬಾಲಿವುಡ್ ನಲ್ಲೂ ಸಹಾ ಹೆಸರನ್ನು ಪಡೆದಿದ್ದಾರೆ. ತಮನ್ನಾ ಅವರೀಗ ಹಿಂದಿಯ ವೆಬ್ ಸಿರೀಸ್ ಗಳಲ್ಲಿ ಬ್ಯುಸಿಯಾಗಿದ್ದಾರೆ. ನಟಿಗೆ ಬಾಲಿವುಡ್ ಮತ್ತು ದಕ್ಷಿಣದಲ್ಲಿ ಸಹಾ ಅಪಾರ ಅಭಿಮಾನಿಗಳನ್ನು ಪಡೆದುಕೊಂಡಿದ್ದಾರೆ. ಅಂತಹ ಅಭಿಮಾನಿಗಳಲ್ಲಿ ಒಬ್ಬರಿಂದಾಗಿ ನಟಿ ತಮನ್ನಾ ಇದೀಗ ಕಣ್ಣೀರನ್ನು ಹಾಕಿದ್ದಾರೆ. ಅಭಿಮಾನಿಯ ಪ್ರೀತಿಗೆ ಭಾವುಕರಾಗಿದ್ದಾರೆ.
ಇಷ್ಟಕ್ಕೂ ಏನಿದು ಘಟನೆ ಎನ್ನುವುದಾದರೆ ಇಲ್ಲಿದೆ ಅದರ ವಿವರಗಳು. ಖ್ಯಾತ ನಟಿ ಭಾಟಿಯಾ (Tamannaah Bhatia) ಕಣ್ಣೀರಿಟ್ಟಿದ್ದಾರೆ. ಅದೊಂದು ಪ್ರೀತಿಗೆ ಭಾವುಕರಾಗಿದ್ದಾರೆ. ಕಳೆದ ಕೆಲವು ದಿನಗಳಿಂದಲೂ ಸಹಾ ನಟಿ ತಮನ್ನಾ ಮಾದ್ಯಮಗಳ ಪ್ರಮುಖ ಸುದ್ದಿಯಾಗಿದ್ದಾರೆ. ನಟಿ ತಮನ್ನಾ ಅವರು ತಮ್ಮ ಗೆಳೆಯ ವಿಜಯ ವರ್ಮಾ ಜೊತೆಗಿನ ಆತ್ಮೀಯತೆ ಮತ್ತು ವಿಜಯ ವರ್ಮಾ ಜೊತೆಗೆ ನಟಿಸಿರೋ ಲಸ್ಟ್ ಸ್ಟೋರಿ 2 ವೆಬ್ ಸಿರೀಸ್ ವಿಚಾರದಲ್ಲಿ ಸುದ್ದಿಯಾಗಿದ್ದಾರೆ.
ಇತ್ತೀಚೆಗೆ ನಟಿ ತಮನ್ನಾ ಅವರು ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡ ವೇಳೆಯಲ್ಲಿ ಅವರ ಅಭಿಮಾನಿಯೊಬ್ಬರು ತಮನ್ನಾ ಅವರನ್ನು ಭೇಟಿ ಮಾಡಿದ್ದು, ಈ ವೇಳೆ ತಾವು ಕೈ ಮೇಲೆ ‘ತಮನ್ನಾ ಐ ಲವ್ ಯು’ ಎಂದು ಟ್ಯಾಟೂ ಹಾಕಿಸಿಕೊಂಡಿರುವುದನ್ನು ತೋರಿಸಿದ್ದಾರೆ. ಅದೇ ವೇಳೆ ಅವರು ನಟಿಯ ಪಾದ ಮುಟ್ಟಿ ನಮಸ್ಕಾರ ಮಾಡಿದ್ದಾರೆ. ಅಭಿಮಾನಿಯ ಅಂತಹ ಪ್ರೀತಿಯನ್ನು ಕಂಡು ಇಂತಹ ಅಭಿಮಾನಕ್ಕೆ ನಾನು ಯೋಗ್ಯಳಲ್ಲ ಎಂದು ತಮನ್ನಾ ಕಣ್ಣೀರು ಹಾಕಿದ್ದಾರೆ.
