ದೃಷ್ಟಿಗೆ ಸವಾಲು ಹಾಕುವಂತಹ ಚಿತ್ರಗಳು ಸಾಮಾನ್ಯವಾಗಿ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ. ಈ ಚಿತ್ರಗಳು ಯಾರ ಕಣ್ಣಿಗೆ ಬೇಕಾದರೂ ಮೋಸ ಮಾಡಬಹುದು. ಈ ಚಿತ್ರಗಳನ್ನು ಆಪ್ಟಿಕಲ್ ಇಲ್ಯೂಷನ್ ಚಿತ್ರಗಳು ಎನ್ನಲಾಗುತ್ತದೆ. ಈ ಚಿತ್ರಗಳು ನಮ್ಮ ಬುದ್ಧಿ ಮತ್ತು ದೃಷ್ಟಿಗೆ ಕಸರತ್ತು ಮಾಡಿಸುತ್ತವೆ ಮತ್ತು ಮನರಂಜನೆಯನ್ನು ಸಹಾ ನೀಡುತ್ತದೆ. ಇಂದು ನಾವು ನಿಮಗಾಗಿ ಅಂತಹ ಒಂದು ದೃಷ್ಟಿ ಭ್ರಮೆಯ ಚಿತ್ರವನ್ನು ತಂದಿದ್ದು, ನೀವು ಇದರಲ್ಲಿ ಚಿರತೆಯನ್ನು ಹುಡುಕಬೇಕಾಗಿದೆ.
ನಿಮ್ಮ ಮುಂದೆ ಇರುವ ಈ ಚಿತ್ರದಲ್ಲಿ ನಿಮಗೆ ಕಾಡಿನ ವಾತಾವರಣ ಕಾಣುತ್ತದೆ. ಈ ಚಿತ್ರದಲ್ಲಿ ಮರಗಳು, ಒಂದಷ್ಟು ಸಸ್ಯಗಳು ಮತ್ತು ಒಣ ಹುಲ್ಲು ಗೋಚರಿಸುತ್ತದೆ. ಆದರೆ ಅಲ್ಲೇ ಈ ಕಾಡಿನ ಚಿತ್ರಲ್ಲೇ ಚಿರತೆಯೊಂದು ಅಡಗಿದೆ. ನೀವು 10 ಸೆಕೆಂಡುಗಳಲ್ಲಿ ಆ ಚಿರತೆಯನ್ನು ಕಂಡುಹಿಡಿಯಲು ಸಾಧ್ಯವಾಗುತ್ತದೆಯೇ? ಎಂಬುದನ್ನು ಪರೀಕ್ಷಿಸಿ. ನೀವು 10 ಸೆಕೆಂಡುಗಳಲ್ಲಿ ಸವಾಲನ್ನು ಬಿಡಿಸಿದರೆ ನಿಮ್ಮ ಕಣ್ಣುಗಳು ನಿಜವಾಗಿಯೂ ತೀಕ್ಷ್ಣವಾಗಿರುತ್ತವೆ.
ಆದರೆ ಒಂದು ವೇಳೆ ನಿಮಗೆ ಚಿತ್ರದಲ್ಲಿ ಚಿರತೆ ಕಾಣಿಸದಿದ್ದರೆ ಆತಂಕ ಪಡುವ ಅಗತ್ಯವಿಲ್ಲ. ಈ ಸವಾಲನ್ನು ಎದುರಿಸಲು ನಾವು ನಿಮಗೆ ಸಹಾಯವನ್ನು ಮಾಡುತ್ತೇವೆ. ಚಿರತೆ ನಿಮ್ಮ ಕಣ್ಮುಂದೆಯೇ ಇದೆ. ಆದರೆ ಬಹಳಷ್ಟು ಜನರು ಇದನ್ನು ಹುಡುಕಲು ವಿಫಲರಾಗಿದ್ದಾರೆ. ನೀವು ಚಿತ್ರದ ಬಲಭಾಗದಲ್ಲಿ ಎಚ್ಚರಿಕೆಯಿಂದ ನೋಡಿದರೆ, ಮರದ ಬಳಿ ಕೆಳಭಾಗದಲ್ಲಿ ಚಿರತೆ ನಿಮಗೆ ಕಾಣುತ್ತದೆ. ವಾಸ್ತವವಾಗಿ, ಚಿರತೆಯ ಬಣ್ಣವು ಒಣ ಹುಲ್ಲಿನಂತಿದೆ, ಆದ್ದರಿಂದ ಜನರು ಚಿರತೆಯನ್ನು ಸುಲಭವಾಗಿ ನೋಡಲು ಸಾಧ್ಯವಾಗುತ್ತಿಲ್ಲ.
