ದಕ್ಷಿಣ ಸಿನಿಮಾ ರಂಗದ ಸ್ಟಾರ್ ನಟಿ, ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ (Tamannaah Bhatia) ಅವರು ತೆಲುಗು ಮತ್ತು ಬಾಲಿವುಡ್‌ ಎರಡೂ ಕಡೆಗಳಲ್ಲೂ ಸಕ್ರಿಯವಾಗಿರುವುದರ ಜೊತೆಗೆ ಇತ್ತೀಚಿನ ದಿನಗಳಲ್ಲಿ ವೃತ್ತಿ ಜೀವನ ಮತ್ತು ಖಾಸಗಿ ಜೀವನದ ವಿಚಾರವಾಗಿ ಸಖತ್ ಸದ್ದನ್ನು ಮಾಡ್ತಿದ್ದಾರೆ. ಇಂದಿನ ನಟ ನಟಿಯರಿಗೂ ಗಟ್ಟಿ ಪೈಪೋಟಿ ನೀಡುತ್ತಿರುವ ತಮನ್ನಾ, ತನ್ನ ಹಾಟ್ ಮತ್ತು ಬೋಲ್ಡ್ ಲುಕ್ ನಿಂದ ಸಿಕ್ಕಾಪಟ್ಟೆ ಮಿಂಚುತ್ತಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ನಟಿ ಸಿಕ್ಕಾಪಟ್ಟೆ ಬೋಲ್ಡ್ ಆಗಿದ್ದು ಹಿಂದೆಂದೂ ಮಾಡದಂತಹ ದೃಶ್ಯಗಳಲ್ಲೂ ಹಿಂಜರಿಕೆ ಇಲ್ಲದೇ ನಟಿಸುತ್ತಿದ್ದಾರೆ, ಇದೇ ವಿಚಾರವಾಗಿ ನಟಿಯನ್ನು ಸಂದರ್ಶನವೊಂದರಲ್ಲಿ ಪ್ರಶ್ನೆಗಳನ್ನು ಕೇಳಲಾಗಿದೆ. ತಮನ್ನಾ ಅವರನ್ನು ನೀವೇಕೆ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದು? ಹಾಗೂ ತಾವು ಹಸಿಬಿಸಿ ದೃಶ್ಯದಲ್ಲಿ ಕಾಣಿಸಿಕೊಳ್ಳಲು ಕಾರಣವೇನು ಎನ್ನುವ ವಿಚಾರಗಳಿಗೆ ಇದೀಗ ನಟಿ ಸ್ಪಷ್ಟನೆಯನ್ನು ನೀಡಿದ್ದಾರೆ.
ತಮನ್ನಾ ಮಾತನಾಡುತ್ತಾ, ನಾವು ಬದಲಾಗದೇ ಹೋದರೆ ನಾವೆಲ್ಲಿ ಆರಂಭ ಮಾಡಿದೆವೋ ಅಲ್ಲಿಯೇ ಇದ್ದು ಬಿಡುತ್ತೇವೆ. ಆ ರೀತಿ ನಿಲ್ಲಲು ಯಾರೂ ಇಷ್ಟಪಡುವುದಿಲ್ಲ. ಕೆರಿಯರ್‌ನಲ್ಲಿ ಬೆಳೆಯಬೇಕು ಎನ್ನುವುದು ಎಲ್ಲರ ಆಲೋಚನೆ ಆಗಿರುತ್ತೆ. ಆದ್ದರಿಂದಲೇ ಎಲ್ಲಾ ಕಡೆ ಪ್ರಮೋಷನ್ ಇದ್ದಂತೆ ನಮ್ಮ ಕೆಲಸದಲ್ಲೂ ಇದ್ದು, ಅಂತದೊಂದು ಪ್ರಮೋಷನ್‌ಗಾಗಿ ಸ್ವಲ್ಪ ವಿಶಾಲಾವಾಗಿ ಆಲೋಚಿಸಲೇ ಬೇಕು. ಹೊಸ ಪ್ರಯತ್ನ ಮಾಡಿದರೆ ತಾನೇ ಜರ್ನಿ ಇನ್ನಷ್ಟು ಚೆನ್ನಾಗಿರೋದು ಎಂದು ಹೇಳಿದ್ದಾರೆ.
