ಈ ವರ್ಷದ ಆರಂಭದಲ್ಲಿ ಬಾಲಿವುಡ್ ಗೆ ನವ ಚೈತನ್ಯವನ್ನು ನೀಡಿದ ಸಿನಿಮಾ ಶಾರೂಖ್ ಖಾನ್ ನಾಯಕನಾಗಿದ್ದ ಪಠಾಣ್ ಸಿನಿಮಾ ಎನ್ನುವುದು ಸತ್ಯವಾದ ವಿಚಾರ. ಸಾಲು ಸಾಲು ಸೋಲುಗಳಿಂದ ಕಂಗೆಟ್ಟಿದ್ದ ಬಾಲಿವುಡ್ ಗೆ ಪಠಾಣ್ ಒಂದು ಹೊಸ ಹುರುಪು ನೀಡಿತ್ತು. ಸಿನಿಮಾ ಗೆಲುವಿನ ಬಗ್ಗೆ ಸುದ್ದಿಯಾಗಿತ್ತು, ಸಿನಿಮಾ ದಾಖಲೆ ಮಟ್ಟದಲ್ಲಿ ಕಲೆಕ್ಷನ್ ಮಾಡಿದೆ ಎನ್ನುವುದು ಅಭಿಮಾನಿಗಳಿಗೆ ಖುಷಿ ನೀಡಿತ್ತು. ಆದರೆ ಕೆಲವೇ ದಿನಗಳ ಹಿಂದೆಯಷ್ಟೇ ಬಾಲಿವುಡ್ ನಟಿ ಕಾಜೋಲ್ ಪಠಾಣ್ ಚಿತ್ರದ ಅಸಲಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಬಗ್ಗೆ ಶಾರೂಖ್ ಖಾನ್ ಅವರು ಬಹಿರಂಗಪಡಿಸಲಿ ಎಂದು ನೀಡಿದ ಹೇಳಿಕೆಯೊಂದು ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
ನಟಿ ಕಾಜೋಲ್ ನೀಡಿದ ಹೇಳಿಕೆಯಿಂದಾಗಿ ಇದೀಗ ನಟ ಶಾರೂಖ್ ಖಾನ್ ಅಭಿಮಾನಿಗಳು ಕಾಜೋಲ್ ಅವರನ್ನು ಸಿಕ್ಕಾಪಟ್ಟೆ ಟ್ರೋಲ್ ಮಾಡುವ ಮೂಲಕ ತಮ್ಮ ವಿರೋಧವನ್ನು ಮತ್ತು ನಟಿಯ ಬಗ್ಗೆ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸುತ್ತಿದ್ದಾರೆ. ಇತ್ತೀಚಿಗಷ್ಟೇ ನಟಿ ಕಾಜೋಲ್ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದರು. ಈ ವೇಳೆ ನಿರೂಪಕ ನಟಿಯನ್ನು ಶಾರುಖ್ ಖಾನ್ ಅವರಿಗೆ ಏನಾದರೂ ಕೇಳಲು ಬಯಸುತ್ತೀರ? ಎನ್ನುವ ಪ್ರಶ್ನೆಯೊಂದನ್ನು ಕೇಳಿದ್ದಾರೆ.
ನಟಿ ಕಾಜೋಲ್ ಅದಕ್ಕೆ ಉತ್ತರ ನೀಡುವ ಮುನ್ನ, ಸ್ವಲ್ಪ ಸಮಯದವರೆಗೆ ಮೌನವಾಗಿದ್ದು, ಏನನ್ನೋ ಆಲೋಚಿಸಿದವರಂತೆ ಅನಂತರ ಉತ್ತರಿಸುತ್ತಾ, “ನಾನು ಶಾರೂಖ್ ಖಾನ್ ಅವರಿಗೆ ಅವರ ಪಠಾಣ್ ಚಿತ್ರದ ಅಸಲಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಎಷ್ಟು” ಎಂಬುದನ್ನು ಕೇಳಲು ಬಯಸುತ್ತೇನೆ ಎನ್ನುವ ಮಾತನ್ನು ಹೇಳಿದ್ದಾರೆ. ಇಲ್ಲಿ ಅಸಲಿ ಎನ್ನುವ ಪದಬಳಕೆ ಆಗಿದ್ದೇ ಅನೇಕ ಚರ್ಚೆಗಳಿಗೆ ಕಾರಣವಾಗಿದ್ದು, ಸೋಶಿಯಲ್ ಮೀಡಿಯಾಗಳಲ್ಲಿ ಅನೇಕರು ಹಾಗಾದರೆ ಜನರಿಗೆ ಸಿನಿಮಾ ಕಲೆಕ್ಷನ್ ಎಂದು ತಿಳಿಸಿದ್ದು ನಕಲಿ ಮಾಹಿತಿಯೇ? ಎಂದು ಪ್ರಶ್ನೆ ಮಾಡಿದ್ದಾರೆ.
ಈ ಸಂದರ್ಶನದ ವೀಡಿಯೋ ಕ್ಲಿಪ್ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಮತ್ತು ಶಾರೂಖ್ ಅಭಿಮಾನಿಗಳು ನಟಿಯ ಮೇಲೆ ಸಿಟ್ಟಾಗಿದ್ದಾರೆ. ಕೆಲವರು ಕಾಜೋಲ್ ಹೇಳಿಕೆಗೆ ಪ್ರತಿಕ್ರಿಯೆ ನೀಡುತ್ತಾ, “ಇದೊಂದು ಸ್ಮಾರ್ಟ್ ಉತ್ತರ” ಎಂದು ಕಮೆಂಟ್ ಮಾಡಿದರೆ, ಇನ್ನೂ ಕೆಲವರು ನ ಶಾರೂಖ್ ಖಾನ್ ಇಲ್ಲದೇ ಹೋದರೆ ನೀವೇನು ಅಲ್ಲ, ಎಸ್ಆರ್ಕೆ ಇಂಥವರಿಂದ ಆದಷ್ಟು ದೂರ ಇರಬೇಕು” ಎಂದು ಕಾಮೆಂಟ್ ಮಾಡಿದ್ದಾರೆ.
