ವೆಬ್ ಸಿರೀಸ್ ಗಳು ಇತ್ತೀಚಿನ ದಿನಗಳಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆಯುತ್ತಿದೆ. ಅಲ್ಲದೇ ಇವುಗಳಲ್ಲಿ ಸೆನ್ಸಾರ್ ಇಲ್ಲದ ಕಾರಣ ಹಾಟ್ ಮತ್ತು ಬೋಲ್ಡ್ ದೃಶ್ಯಗಳು ತೀರಾ ಸಾಮಾನ್ಯವಾಗಿದ್ದು, ಇದೀಗ ಸ್ಟಾರ್ ನಟಿಯರು ಕೂಡಾ ತಾವೇ ಹಾಕಿಕೊಂಡ ನಿಯಮಗಳಿಗೆ ಕೊಕ್ ಕೊಟ್ಟು ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ನಟಿಸುವುದಕ್ಕೆ ಸಿದ್ಧರಾಗುತ್ತಿರುವುದು ವಾಸ್ತವವಾಗಿದರೆ. ಈಗ ಬಾಲಿವುಡ್ ನ ಸ್ಟಾರ್ ನಟಿ ಕಾಜೋಲ್ ಸಹಾ ಇಂತಹುದೊಂದು ನಿರ್ಧಾರ ಮಾಡಿದಂತೆ ಕಂಡಿದ್ದು, ಇದು ಸಿಕ್ಕಾಪಟ್ಟೆ ಶಾಕ್ ನೀಡಿದೆ.
ಇತ್ತೀಚಿಗಷ್ಟೇ ನಟಿ ತಮನ್ನಾ ತಾವೇ ಹಾಕಿಕೊಂಡಿದ್ದ ನಿಯಮಕ್ಕೆ ಬ್ರೇಕ್ ಹಾಕಿ ತಮ್ಮ ಬಾಯ್ ಫ್ರೆಂಡ್ ವಿಜಯ ವರ್ಮಾ ಜೊತೆಗೆ ಲಸ್ಟ್ ಸ್ಟೋರಿ 2 ನಲ್ಲಿ ಲಿಪ್ ಕಿಸ್ ಮತ್ತು ಇಂಟಿಮೇಟ್ ದೃಶ್ಯಗಳಲ್ಲಿ ಕಾಣಿಸಿಕೊಂಡು ಅಭಿಮಾನಿಗಳಿಗೆ ಶಾಕ್ ನೀಡಿ, ಭರ್ಜರಿ ಟ್ರೋಲ್ ಕೂಡಾ ಆದರು. ಈಗ ಅದರ ಬೆನ್ನಲ್ಲೇ ಬಾಲಿವುಡ್ ನ ಹಿರಿಯ ನಟಿ, ಇಂದಿಗೂ ಸ್ಟಾರ್ ನಟಿಯ ಸ್ಥಾನವನ್ನು ಪಡೆದಿರುವ ನಟಿ ಕಾಜೋಲ್ ಲಿಪ್ ಕಿಸ್ ಸೀನ್ ಮಾಡಿ ಸಂಚಲನ ಸೃಷ್ಟಿಸಿದ್ದಾರೆ.
ಕಾಜೋಲ್ ಕಳೆದ 29 ವರ್ಷಗಳಿಂದಲೂ ಯಾವುದೇ ಚುಂಬನ ದೃಶ್ಯದಲ್ಲಿ ನಟಿಸಿಲ್ಲ. ಆದರೆ ಈಗ ಅವರು ತಮ್ಮ ವೆಬ್ ಸಿರೀಸ್ ದಿ ಟ್ರಯಲ್ ನಲ್ಲಿ ತಮ್ಮ ಪತಿಯ ಪಾತ್ರ ಪೋಷಿಸುತ್ತಿರುವ ಬಂಗಾಳಿ ನಟ ಜಿಶು ಸೇನ್ ಗುಪ್ತಾ ಜೊತೆಗೆ ಲಿಪ್ ಲಾಕ್ ದೃಶ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ದೃಶ್ಯದ ವೀಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಇದನ್ನು ನೋಡಿ ನೆಟ್ಟಿಗರು, ಸಿನಿ ಪ್ರೇಮಿಗಳು ಮತ್ತು ನಟಿಯ ಅಭಿಮಾನಿಗಳು ಅಚ್ಚರಿ ಪಡುತ್ತಿದ್ದಾರೆ.
ಕಾಜೋಲ್ ಕಿಸ್ಸಿಂಗ್ ಸೀನ್ ನೋಡಿದ ಅನೇಕರು ಇಷ್ಟು ವರ್ಷ ಸಿನಿಮಾ ರಂಗದಲ್ಲೇ ಅಗತ್ಯ ಇಲ್ಲದ ಇಂತಹ ದೃಶ್ಯಗಳನ್ನು ಕಾಜೋಲ್ ಈಗ ಮಾಡುವಂತ ಅವಶ್ಯಕತೆ ಏನಿತ್ತು ಎಂದಿದ್ದಾರೆ. ಇನ್ನೂ ಕೆಲವರು ಹಣಕ್ಕಾಗಿ ನಟಿಯರು ತಾವೇ ಹಾಕಿಕೊಂಡ ನಿಯಮ ಮುರಿದು ಏನು ಬೇಕಾದರೂ ಮಾಡ್ತಾರೆ ಆಮೇಲೆ ಕಥೆಗೆ ಅದು ಅನಿವಾರ್ಯವಾಗಿತ್ತು ಅಂತ ಹೇಳ್ತಾರೆ ಎಂದು ಟೀಕೆಯನ್ನು ಮಾಡಿದ್ದಾರೆ.
