ಕಿರುತೆರೆಯಲ್ಲಿ ಪ್ರೇಕ್ಷಕರ ಮನರಂಜನೆ ವಿಚಾರ ಬಂದಾಗ, ಇಲ್ಲಿ ಪ್ರೇಕ್ಷಕರಿಗೆ ಮನರಂಜನೆ ಒದಗಿಸುವಲ್ಲಿ ಝೀ ಕನ್ನಡ ವಾಹಿನಿ ಸದಾ ಒಂದು ಹೆಜ್ಜೆ ಮುಂದೆ ಇರುತ್ತದೆ. ಅದರಲ್ಲೂ ಝೀ ಕನ್ನಡ ವಾಹಿನಿಯ ಸೀರಿಯಲ್ ಗಳು ಸಾಕಷ್ಟು ಜನಪ್ರಿಯತೆ ಪಡೆದಿರುವ ಹಾಗೂ ಟಿ ಆರ್ ಪಿ ವಿಚಾರದಲ್ಲಿ ಸದಾ ಮುಂದೆ ಇರುತ್ತದೆ. ಕಳೆದ ಕೆಲವು ತಿಂಗಳುಗಳ ಹಿಂದೆ ಝೀ ವಾಹಿನಿಯಲ್ಲಿ ಹೊಸ ಸೀರಿಯಲ್ ಗಳ ಪ್ರೋಮೋ ಬಂದಾಗ ಅದರಲ್ಲಿ ನಟಿ ವೈಷ್ಣವಿ ಗೌಡ ಪ್ರಮುಖ ಪಾತ್ರದಲ್ಲಿರುವ ಸೀತಾ ರಾಮ ಸೀರಿಯಲ್ ನ ಪ್ರೋಮೋ ಪ್ರೇಕ್ಷಕರ ಗಮನವನ್ನು ಸೆಳೆದಿತ್ತು.
ಸೀತಾ ರಾಮ ಸೀರಿಯಲ್ ನ ಪ್ರೊಮೋ ಸಿಕ್ಕಾಪಟ್ಟೆ ಕುತೂಹಲವನ್ನು ಸಹಾ ಮೂಡಿಸಿತ್ತು. ಆದರೆ ಪ್ರೊಮೋ ಪ್ರಸಾರ ಕಂಡು ಆರು ತಿಂಗಳಾದರೂ ಇನ್ನೂ ಸೀರಿಯಲ್ ಆರಂಭವಾಗದೇ ಇದ್ದುದ್ದನ್ನು ನೋಡಿ ಪ್ರೇಕ್ಷಕರು ಅಸಮಾಧಾನಗೊಂಡಿದ್ದರು. ಸೀರಿಯಲ್ ಯಾವಾಗ ಆರಂಭವಾಗಲಿದೆ ಎನ್ನುವ ಉತ್ತರ ಸಿಗದೇ ಬೇಸರವನ್ನು ವ್ಯಕ್ತಪಡಿಸಿದ್ದರು. ಈಗ ಇವೆಲ್ಲವುಗಳ ನಡುವೆ ಸೀರಿಯಲ್ ನ ಹೊಸ ಪ್ರೊಮೋ ಒಂದು ಹೊರ ಬಂದಿದೆ.
ಹೊಸ ಪ್ರೊಮೋದಲ್ಲಿ ಸೀರಿಯಲ್ ಯಾವಾಗ ಬರುತ್ತೆ ಎನ್ನುವ ವಿಚಾರದ ಬಗ್ಗೆ ಆಸಕ್ತಿಕರ ದೃಶ್ಯವನ್ನು ತೋರಿಸಿದ್ದು, ಶೀಘ್ರದಲ್ಲೇ ಸೀರಿಯಲ್ ನ ಪ್ರಸಾರದ ಆರಂಭದ ಮಾಹಿತಿ ಸಿಗುವುದೆನ್ನುವ ಸುಳಿವನ್ನು ನೀಡಲಾಗಿತ್ತು. ಈಗ ಅದಕ್ಕೆ ಉತ್ತರ ಸಿಕ್ಕಿದ್ದು ಝೀ ಕನ್ನಡದ ಜನಪ್ರಿಯ ಶೋ, ಜನ ಮೆಚ್ಚಿದ ಡ್ಯಾನ್ಸ್ ಶೋ ಡಿಕೆಡಿ ಅಥವಾ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್ ಏಳರ ವೇದಿಕೆಯಲ್ಲಿ ಸೀತಾ ರಾಮ ಸೀರಿಯಲ್ ನ ಬಗ್ಗೆ ಒಂದು ಗುಡ್ ನ್ಯೂಸ್ ನೀಡೋಕೆ ವಾಹಿನಿ ಸಿದ್ಧತೆ ನಡೆಸಿದೆ.