ನಿನ್ನೆ ಸ್ಯಾಂಡಲ್ವುಡ್ ಸ್ಟಾರ್ ನಟ, ಕರುನಾಡ ಚಕ್ರವರ್ತಿ ಖ್ಯಾತಿಯ ನಟ ಶಿವರಾಜ್ ಕುಮಾರ್ ಅವರ ಜನ್ಮದಿನದ ಹಿನ್ನೆಲೆಯಲ್ಲಿ ಅವರು ನಾಯಕನಾಗಿ ಕಾಣಿಸಿಕೊಳುತ್ತಿರುವ ಬಹು ನಿರೀಕ್ಷಿತ ಸಿನಿಮಾ ದಿ ಘೋಸ್ಟ್ ಬಿಗ್ ಡ್ಯಾಡಿ ಯ ಟೀಸರ್ ಬಿಡುಗಡೆಯಾಗಿದ್ದು, ಇದು ಅಂತರ್ಜಾಲದಲ್ಲಿ ಬಿರುಗಾಳಿಯನ್ನು ಎಬ್ಬಿಸಿ, ಸಿನಿ ಪ್ರೇಮಿಗಳು ಮತ್ತು ಅಭಿಮಾನಿಗಳ ಮನಸ್ಸನ್ನು ಗೆದ್ದು ಅಬ್ಬರಿಸುತ್ತಿದೆ. ಟೀಸರ್ ನಲ್ಲಿನ ದೃಶ್ಯಾವಳಿಗಳು ನೋಡುಗರಿಗೆ ಒಂದು ಹೊಸ ಥ್ರಿಲ್ಲಿಂಗ್ ಅನುಭವವನ್ನು ಸಹಾ ನೀಡ್ತಾ ಇದೆ.
ಕಾಡಿನ ಮಧ್ಯದಲ್ಲಿ ಒಂದು ದಾಸ್ತಾನು ಮಳಿಗೆ, ಅಲ್ಲಿ ಯಾವುದೇ ಚಿಂತೆಯಿಲ್ಲದಂತೆ ಕುಳಿತ ವ್ಯಕ್ತಿಯೊಬ್ಬ , ಬಿಂದಾಸ್ ಆಗಿ ವಿಸ್ಕಿಯಲ್ಲಿ ಅದ್ದಿಕೊಂಡು ಪಾನೀಪುರಿ ತಿನ್ನುತ್ತಿರುವ ಸೀನ್ ಖಂಡಿತ ನೋಡುಗರಿಗೆ ಸಖತ್ ಮಾಸ್ ಅನುಭೂತಿಯನ್ನು ನೀಡಿದೆ. ಆಗಲೇ ಆತನನ್ನು ಹುಡುಕಿ ಬರುವ ಗ್ಯಾಂಗ್ ಅನ್ನು ಸ್ವಲ್ಪವೂ ಅಂಜಿಕೆಯಿಲ್ಲದೇ ಎದುರುಗೊಳ್ಳುವ ಖಡಕ್ ನಾಯಕನ ನೋಟ, ಆ ನೋಟದಲ್ಲಿನ ಧೈರ್ಯ ಎಲ್ಲಾ ಕೂಡಾ ಬೆಂಕಿ ಎನ್ನುವಂತಿದೆ.
ಪಕ್ಕಾ ಮಾಸ್ ದೃಶ್ಯಕ್ಕೆ ಹಿನ್ನೆಲೆ ಸಂಗೀತ ಕೂಡಾ ಬಹಳ ಚೆನ್ನಾಗಿದ್ದು, ಆ ದೃಶ್ಯ ಇನ್ನಷ್ಟು ಪವರ್ ಫುಲ್ ಆಗಿ ಕಾಣುವಂತೆ ಮಾಡುತ್ತಿದೆ. ಘೋಸ್ಟ್ ಬಿಗ್ ಡ್ಯಾಡಿ ಟೀಸರ್ ಬಿಡುಗಡೆಯಾದ 24 ಗಂಟೆಗಳಲ್ಲೇ 4.6 M ವೀಕ್ಷಣೆಗಳನ್ನು ಪಡೆದು ಯೂಟ್ಯೂಬ್ ನಲ್ಲಿ ಟ್ರೆಂಡ್ ಸೃಷ್ಟಿ ಮಾಡ್ತಿದೆ. 2 ದಿನಕ್ಕೆ ಒಟ್ಟು 5.4 M ವೀವ್ಸ್ ಪಡೆದಿದೆ. ಟೀಸರ್ ನೋಡಿದ ಅಭಿಮಾನಿಗಳು ಕಾಮೆಂಟ್ ಗಳಲ್ಲಿ ಮೆಚ್ಚುಗೆಯ ಮಳೆಯನ್ನೇ ಹರಿಸುತ್ತಿದ್ದಾರೆ. ಸಂದೇಶ್ ಪ್ರೊಡಕ್ಷನ್ ಈ ಸಿನಿಮಾ ನಿರ್ಮಾಣ ಮಾಡಿದ್ದು, ಶ್ರೀನಿ ಸಿನಿಮಾದ ನಿರ್ದೇಶನವನ್ನು ಮಾಡಿದ್ದಾರೆ.