ಸದ್ಯಕ್ಕಂತೂ ಟಾಲಿವುಡ್ ನಲ್ಲಿ ನಟಿ ಶ್ರೀಲೀಲಾ ಹವಾ ಜೋರಾಗಿದೆ. ಬರೋಬ್ಬರಿ 9-10 ಸಿನಿಮಾಗಳು ನಟಿಯ ಕೈಯಲ್ಲಿ ಇವೆ.. ಅದೂ ಎಲ್ಲಾ ಕೂಡಾ ತೆಲುಗಿನ ಸ್ಟಾರ್ ನಟರುಗಳ ಸಿನಿಮಾ ಅನ್ನೋದು ವಿಶೇಷ. ಈ ಎಲ್ಲಾ ಸಿನಿಮಾಗಳ ನಂತರ ಶ್ರೀಲೀಲಾ ಟಾಲಿವುಡ್ ನಲ್ಲಿ ಸ್ಟಾರ್ ನಟಿಯಾಗಿ ಮಿಂಚೋದ್ರಲ್ಲಿ ಅನುಮಾನ ಇಲ್ಲ. ಪೆಳ್ಳಿ ಸಂದಡಿ ಸಿನಿಮಾ ಮೂಲಕ ತೆಲುಗಿಗೆ ಎಂಟ್ರಿ ಕೊಟ್ಟ ಶ್ರೀಲೀಲಾ ಈಗ ತೆಲುಗಿನಲ್ಲಿ ತಮ್ಮ ಸಿನಿಮಾಗಳಿಗೆ ನಿರ್ಮಾಪಕ ಮತ್ತು ನಿರ್ದೇಶಕರ ಮೊದಲ ಆಯ್ಕೆ ಶ್ರೀಲೀಲಾ ಆಗ್ತಿದ್ದಾರೆ.
ಹೀಗೆ ಸಾಲು ಸಾಲಾಗಿ ಸ್ಟಾರ್ ನಟರ ಜೊತೆಗೆ ಸಿನಿಮಾಗಳಲ್ಲಿ ನಟಿಸುತ್ತಿರೋ ಶ್ರೀಲೀಲಾ ಕುರಿತಾಗಿ ಟಾಲಿವುಡ್ ಅಂಗಳದಲ್ಲೊಂದು ಹೊಸ ಸುದ್ದಿ ಹರಿದಾಡ್ತಾ ಇದೆ. ಹೌದು, ಕೆಲವೊಂದು ಸುದ್ದಿಗಳ ಪ್ರಕಾರ ಶ್ರೀಲೀಲಾ ಇತ್ತೀಚಿಗೆ ತಮಗೆ ಬಂದಿದ್ದ ಒಂದು ಹೊಸ ಆಫರ್ ಅನ್ನು ರಿಜೆಕ್ಟ್ ಮಾಡಿದ್ದಾರಂತೆ. ದೊಡ್ಡ ಬಜೆಟ್ ನ ಸಿನಿಮಾ, ಸ್ಟಾರ್ ಡೈರಕ್ಟರ್ ಕೊಟ್ಟ ಆಫರ್ ಇದಾಗಿತ್ತು ಎನ್ನಲಾಗಿದೆ. ಹಾಗಾದ್ರೆ ನಟಿ ಇಂತ ಆಫರ್ ಬೇಡ ಅಂದಿದ್ದೇಕೆ ?
ಸುದ್ದಿಗಳು ಹೇಳುವಂತೆ ನಟಿ ಶ್ರೀಲೀಲಾಗೆ ಸ್ಟಾರ್ ಡೈರಕ್ಟರ್ ಒಬ್ರು ನಟಿಗೆ ಒಂದು ಬೋಲ್ಡ್ ಕಂಟೆಂಟ್ ಇರೋ ಸಿನಿಮಾಕ್ಕೆ ಆಫರ್ ನೀಡಿ, ಹತ್ತು ಕೋಟಿ ಸಂಭಾವನೆಯ ಆಫರ್ ಕೊಟ್ಟಿದ್ದರು ಎನ್ನಲಾಗಿದೆ. ಆದ್ರೆ ನಟಿ ತನಗೆ ನೂರು ಕೋಟಿ ಕೊಟ್ರು ಅಂತ ಸಿನಿಮಾ ಮಾಡಲ್ಲ, ಎಕ್ಸ್ ಪೋಸಿಂಗ್ ಮಾಡೋಕೆ ನಾನು ರೆಡಿ ಇಲ್ಲ ಎಂದು ಪ್ರತಿಕ್ರಿಯೆ ಕೊಟ್ಟು ಸಿನಿಮಾ ರಿಜೆಕ್ಟ್ ಮಾಡಿದ್ದಾರೆ ಎನ್ನಲಾಗಿದೆ. ನಟಿಯ ನಿರ್ಧಾರಕ್ಕೆ ಅನೇಕರು ಮೆಚ್ಚುಗೆ ನೀಡುತ್ತಿದ್ದಾರೆ.