ಹೊಸ ಸಿನಿಮಾದಲ್ಕಿ ರಶ್ಮಿಕಾ ಜಾಗಕ್ಕೆ ಬಂದ ಶ್ರೀಲೀಲಾ: ನಾಯಕಿ ಬದಲಾವಣೆ ಕಂಡು ಶಾಕ್ ಆದ ಫ್ಯಾನ್ಸ್ !

ಕಳೆದ ಕೆಲವು ತಿಂಗಳುಗಳಿಂದ ಹೊಸ ಸಿನಿಮಾಗಳಿಗೆ ಸಹಿ ಹಾಕುವ ವಿಚಾರದಲ್ಲಿ ಟಾಲಿವುಡ್ ನಲ್ಲಿ ನಟಿ ಶ್ರೀಲೀಲಾಗೆ ಎದುರಾಳಿಯೇ ಇಲ್ಲ ಎನ್ನುವ ಹಾಗೆ ಸಾಲು ಸಾಲು ಸಿನಿಮಾಗಳಲ್ಲಿ ಶ್ರೀ ಲೀಲಾ ಬ್ಯುಸಿಯಾಗುತ್ತಿದ್ದಾರೆ. ನಟಿ ಈಗ ನಿರ್ದೇಶಕ ವೆಂಕಿ ಕುಡುಮುಲ ಅವರ ಇನ್ನೂ ಹೆಸರಿಡದ ಸಿನಿಮಾದಲ್ಲಿ ನಟಿ ರಶ್ಮಿಕಾ ಮಾಡಬೇಕಾಗಿದ್ದ ಪಾತ್ರಕ್ಕೆ ಎಂಟ್ರಿ ನೀಡಿದ್ದಾರೆ. ನಟ ನಿತಿನ್ ಜೊತೆ ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಅವರನ್ನು ನಾಯಕಿ ಎನ್ನಲಾಗಿತ್ತು.

ಆದರೆ ನಟಿ ರಶ್ಮಿಕಾ ಅವರು ಪ್ರಸ್ತುತ ಅಲ್ಲು ಅರ್ಜುನ್ ನಟನೆಯ ‘ಪುಷ್ಪಾ: ದಿ ರೂಲ್’ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವುದರಿಂದ ಅವರು ನಿತಿನ್ ಜೊತೆಗಿನ ಸಿನಿಮಾದಿಂದ ಹೊರಗುಳಿದರು ಎನ್ನಲಾಗಿದೆ. ಆದ್ದರಿಂದಲೇ ನಿರ್ದೇಶಕ ವೆಂಕಿ ಕುಡುಮುಲ ತಮ್ಮ ಸಿನಿಮಾಕ್ಕೆ ಶ್ರೀಲೀಲಾ ಅವರನ್ನು ನಾಯಕಿಯನ್ನಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಶ್ರೀಲೀಲಾ ತೆಲುಗು ಸಿನಿಮಾ ರಂಗದಲ್ಲಿ ಸ್ಟಾರ್ ನಟಿಯಾಗುವತ್ತ ದಾಪುಗಾಲನ್ನು ಹಾಕುತ್ತಾ , ಅನ್ಯ ನಟಿಯರಿಗೆ ಗಟ್ಟಿ ಪೈಪೋಟಿ ನೀಡುತ್ತಿದ್ದಾರೆ.

ಭೀಷ್ಮ ಸಿನಿಮಾದ ಸಕ್ಸಸ್ ನಂತರ ನಿತಿನ್ ಮತ್ತು ರಶ್ಮಿಕಾ ಜೋಡಿಯನ್ನು ಮತ್ತೊಮ್ಮೆ ತೆರೆಯ ಮೇಲೆ ನೋಡಲು ಅಭಿಮಾನಿಗಳು ಕಾತರರಾಗಿದ್ದರು. ಆದರೆ ಅದಕ್ಕೆ ಈಗ ಬ್ರೇಕ್ ಬಿದ್ದಿದೆ. ರಶ್ಮಿಕಾ ಸ್ಥಾನಕ್ಕೆ ಶ್ರೀಲೀಲಾ ಎಂಟ್ರಿ ಕೊಟ್ಟಾಗಿದೆ. ಶೀಘ್ರದಲ್ಲೇ ತಮ್ಮ ಸಿನಿಮಾದ ನಾಯಕಿ ಶ್ರೀಲೀಲಾ ಎನ್ನುವುದನ್ನು ನಿರ್ದೇಶಕ ವೆಂಕಿ ಕುಡುಮಲ ಅಧಿಕೃತವಾಗಿ ಘೋಷಣೆ ಮಾಡಲಿದ್ದಾರೆ ಎನ್ನಲಾಗಿದೆ.