ಸಾಲು ಸಾಲು ಸಿನಿಮಾಗಳ ಸೋಲಿನಿಂದ ಕಂಗೆಟ್ಟದ್ದ ನಟ ಪ್ರಭಾಸ್ ಮತ್ತೊಮ್ಮೆ ಅಬ್ಬರಿಸಲು ಸಜ್ಜಾಗಿದ್ದಾರೆ ಎನ್ನುವ ಹಾಗೆ ಇಂದು ಬಿಡುಗಡೆ ಆಗಿರುವ ಪ್ರಶಾಂತ್ ನೀಲ್ ನಿರ್ದೇಶನದ ಸಲಾರ್ ಸಿನಿಮಾದ ಟೀಸರ್ ಸಾಮಾಜಿಕ ಜಾಲತಾಣಗಳಲ್ಲಿ ಬಿರುಗಾಳಿಯನ್ನು ಎಬ್ಬಿಸಿದೆ. ಸಲಾರ್ ಸಿನಿಮಾ ಟೀಸರ್ ನೋಡಿದ ಪ್ರಭಾಸ್ ಅಭಿಮಾನಿಗಳಂತೂ ಪ್ರಶಾಂತ್ ನೀಲ್ ನಿರ್ದೇಶನದ ಮೋಡಿಗೆ ಬೆರಗಾಗಿದ್ದು, ಸೋಶಿಯಲ್ ಮೀಡಿಯಾಗಳಲ್ಲಿ ಟೀಸರ್ ಅನ್ನು ಹಾಡಿ ಹೊಗಳುತ್ತಿದ್ದಾರೆ. ಸಲಾರ್ ಟೀಸರ್ ನ ಬಿಡುಗಡೆಯನ್ನು ಸಂಭ್ರಮಿಸಿದ್ದಾರೆ.
ಇಂದು ಬೆಳಿಗ್ಗೆ 5:12 ಗಂಟೆಗೆ ಸಲಾರ್ ಸಿನಿಮಾದ ಟೀಸರ್ ರಿಲೀಸ್‌ ಆಗಿದ್ದು, ಯೂಟ್ಯೂಬ್‌ನಲ್ಲಿ ಧೂಳೆಬ್ಬಿಸುತ್ತಿದೆ. ಟೀಸರ್ ನೋಡಿದ ನಂತರ ಅನೇಕರು ಈ ಸಿನಿಮಾ ಸಹಾ ಕೆಜಿಎಫ್ ಥೀಮ್ ನಲ್ಲೇ ಮೂಡಿ ಬಂದಿದೆ ಎನ್ನುವ ಮಾತನ್ನು ಹೇಳಿದ್ದಾರೆ. ಟೀಸರ್ ಆರಂಭದಲ್ಲಿ ಇದು ಕೆಜಿಎಫ್ ಸಿನಿಮಾಕ್ಕೆ ಲಿಂಕ್ ಇದೆಯೇನೋ ಎನ್ನುವಂತಹ ಒಂದು ಸುಳಿವನ್ನು ನೀಡಿರುವುದನ್ನು ನೋಡಬಹುದಾಗಿದೆ.
ಇದು ಸಲಾರ್ ಭಾಗ ಒಂದನೇಯದಾಗಿದ್ದು, ಕಪ್ಪು ಬಿಳುಪಿನ ಹಿನ್ನೆಲೆಯಲ್ಲಿ ಮೂಡಿ ಸಲಾರ್ ದೃಶ್ಯಗಳು ಮೂಡಿ ಬಂದಿವೆ. ನಟ ಟೀನೂ ಆನಂದ್ ಅವರ ಖಡಕ್ ಡೈಲಾಗ್ ನೊಂದಿಗೆ ಟೀಸರ್ ಆರಂಭಬಾಗುತ್ತೆ. ಸಿಂಪಲ್ ಇಂಗ್ಲೀಷ್ ನಲ್ಲೇ ಹೇಳ್ತೀನಿ, ಗೊಂದಲ ಬೇಡ ಅಂತ ಟೀನೂ ಹೇಳೋ ಡೈಲಾಗ್ ಅಭಿಮಾನಿಗಳಿಗೆ ಈಗ ಭರ್ಜರಿ ಕಿಕ್ ಕೊಡ್ತಾ ಇದೆ. ಟೀನೂ ಆನಂದ್ ತಮ್ಮದೇ ಸ್ಟೈಲ್ ನಲ್ಲಿ ಹೇಳೋ ಡೈಲಾಗ್ ಪ್ರಭಾಸ್ ಅಭಿಮಾನಿಗಳಿಗಂತೂ ಸಿಕ್ಕಾಪಟ್ಟೆ ಖುಷಿಯನ್ನು ನೀಡ್ತಾ ಇದೆ.
ಟೀನೂ ಆನಂದ್ ಡೈಲಾಗ್ ನಲ್ಲಿ, ಸಿಂಹ, ಚಿರತೆ, ಆನೆ ಎಲ್ಲಾ ತುಂಬಾ ಅಪಾಯಕಾರಿ. ಆದರೆ ಅದು ಜುರಾಸಿಕ್ ಪಾರ್ಕ್ನಲ್ಲಿ ಅಲ್ಲ. ಈ ಪಾರ್ಕ್ನಲ್ಲಿ ಒಂದಿದೆ ಎಂದು ಹೇಳುತ್ತಾ, ಮುಂದೆ ಏನೋ ಕಾದಿದೆ ಅಂತ ಹೇಳಿ ನಗುತ್ತಾರೆ. ನಂತರದ ದೃಶ್ಯದಲ್ಲಿ ಪ್ರಭಾಸ್ ಲುಕ್ ಹಾಗೂ ನಟ ಪೃಥ್ವಿರಾಜ್ ಅವರ ಲುಕ್ ಕಾಣುತ್ತೆ. ಒಟ್ಟಾರೆ ಟೀಸರ್ ಹೊಸ ಹವಾ ಕ್ರಿಯೇಟ್ ಮಾಡ್ತಿದೆ.