ಬಾಲಿವುಡ್ ನ ಕಿಂಗ್ ಖಾನ್ ಖ್ಯಾತಿಯ ಶಾರೂಖ್ ಖಾನ್ ಸಿನಿಮಾ ರಂಗದಲ್ಲೊಂದು ಜನಪ್ರಿಯ ಹೆಸರು. ಸಿನಿಮಾ ರಂಗದಲ್ಲೊಂದು ವರ್ಚಸ್ಸನ್ನು ಪಡೆದಿರುವ ನಟ ಇವರು ದೊಡ್ಡ ಮಟ್ಟದ ಸ್ಟಾರ್ ಡಂ ಪಡೆದಿರುವ ಈ ನಟನನ್ನು ಅಭಿಮಾನಿಸುವ ಅಸಂಖ್ಯಾತ ಅಭಿಮಾನಿಗಳು ದೇಶದಲ್ಲಿ ಮಾತ್ರವೇ ಅಲ್ಲದೇ ವಿದೇಶಗಳಲ್ಲೂ ಇದ್ದಾರೆ. ಶಾರೂಖ್ ಎಂದರೆ ಒಂದು ಬ್ರಾಂಡ್ ಎಂದು ಅವರ ಅಭಿಮಾನಿಗಳು ಬೀಗುತ್ತಾರೆ. ನಟನ ಸಿನಿಮಾ ಬಂದರೆ ಸಾಕು ಅದನ್ನು ಸಂಭ್ರಮಿಸುವರು ಹಾಗೂ ನಟನ ನಟನೆಯನ್ನು ಮೆಚ್ಚಿ ಹಾಡು ಹೊಗಳುವರು.
ಶಾರೂಖ್ ಖಾನ್ ನಟನೆಗೆ ಅವರ ಅಭಿಮಾನಿಗಳು ಫಿದಾ ಆದರೆ, ಅವರ ಮಹಿಳಾ ಅಭಿಮಾನಿಗಳಿಗೆ ಶಾರೂಖ್ ಲುಕ್ ಮತ್ತು ಗ್ರೇಸ್ ಮೋಡಿಯನ್ನು ಮಾಡುತ್ತದೆ. ಹೀಗೆ ಇಷ್ಟೆಲ್ಲಾ ಸ್ಟಾರ್ ಡಂ ಪಡೆದಿರುವ ಈ ನಟನನ್ನು ಇದೀಗ ಪಾಕಿಸ್ತಾನಿ ನಟಿಯೊಬ್ಬರು ಟೀಕೆ ಮಾಡಿದ್ದಾರೆ. ನಟಿಯು ಸಂದರ್ಶನವೊಂದರಲ್ಲಿ ಶಾರೂಖ್ ಖಾನ್ ಬಗ್ಗೆ ಆಡಿದ ಮಾತುಗಳು ಮಾದ್ಯಮಗಳ ದೊಡ್ಡ ಸುದ್ದಿಯಾಗಿದೆ, ಸೋಶಿಯಲ್ ಮೀಡಿಯಾಗಳಲ್ಲಿ ಸದ್ದು ಮಾಡಿದೆ.
ಪಾಕ್ ನಟಿ ಮೆಹ್ನೂರ್ ಬಲೋಚ್ ಮಾತನಾಡುತ್ತಾ, ಶಾರೂಖ್ ಖಾನ್ ಗೆ ನಟನೆ ಗೊತ್ತಿಲ್ಲ, ಅವರು ಹ್ಯಾಂಡ್ಸಮ್ ಕೂಡಾ ಅಲ್ಲ. ಅವರೊಬ್ಬ ಬ್ಯುಸಿನೆಸ್ ಮ್ಯಾನ್, ತನ್ನನ್ನು ತಾನು ಹೇಗೆ ಮಾರ್ಕೆಟಿಂಗ್ ಮಾಡಿಕೊಳ್ಳಬೇಕೆಂಬುದು ಅವರಿಗೆ ತಿಳಿದಿದೆ ಎಂದು ಹೇಳುವ ಮೂಲಕ ಮೆಹ್ನೂರ್ ಶಾರೂಖ್ ಅಭಿಮಾನಿಗಳ ಸಿಟ್ಟಿಗೆ, ಆಕ್ರೋಶಕ್ಕೆ ಕಾರಣವಾಗಿದ್ದಾರೆ. ನಟಿಯ ಮಾತುಗಳು ಎಲ್ಲಾ ಕಡೆ ವೈರಲ್ ಆಗುತ್ತಾ ಸಾಗಿದೆ.
ನಟಿ ಮೆಹ್ನೂರ್, ಶಾರುಖ್ ಖಾನ್ ಒಳ್ಳೆಯ ವ್ಯಕ್ತಿತ್ವವನ್ನು ಹೊಂದಿದ್ದಾರೆ. ಆದರೆ ನೀವು ಅವರನ್ನು ಸೌಂದರ್ಯದ ಮಾನದಂಡಗಳ ಅಡಿಯಲ್ಲಿ ನೋಡಿದಾಗ ಮತ್ತು ಸುಂದರ ಎಂದು ಪರಿಗಣಿಸಿದರೆ ಅವರು ಖಂಡಿತ ಹ್ಯಾಂಡ್ಸಮ್ ಏನಲ್ಲ, ಆದರೆ ಅವರ ವ್ಯಕ್ತಿತ್ವ ಮತ್ತು ಆಕರ್ಷಣೆಯು ಪ್ರಬಲವಾಗಿದ್ದು ಅದರಿಂದ ಅವರು ಚೆನ್ನಾಗಿ ಕಾಣಿಸುತ್ತಾರಷ್ಟೇ ಎಂದಿದ್ದಾರೆ.