ಬಾಲಿವುಡ್ ನಟ ಕಿಂಗ್ ಖಾನ್ ಖ್ಯಾತಿಯ ಶಾರೂಖ್ ಖಾನ್ ಅಭಿನಯದ ಬಹು ನಿರೀಕ್ಷಿತ ಜವಾನ್ ಸಿನಿಮಾ ಈಗಾಗಲೇ ಸಾಕಷ್ಟು ಸುದ್ದಿಯಾಗಿದೆ. ಆಟ್ಲಿ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದು ಜವಾನ್ ಸಿನಿಮಾದ ಬಗ್ಗೆ ಈಗಾಗಲೇ ಸಾಕಷ್ಟು ಕುತೂಹಲವನ್ನು ಮೂಡಿಸಿದೆ. ಸಿನಿಮಾದಲ್ಲಿ ನಟ, ನಟಿಯರು ಹಾಗೂ ಅವರ ಲುಕ್ ನೋಡಿ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಈ ಸಿನಿಮಾ ಮೂಲಕ ನಯನತಾರಾ ಬಾಲಿವುಡ್ ಗೆ ಎಂಟ್ರಿ ನೀಡುತ್ತಿದ್ದಾರೆ.
ಇದೀಗ ಈ ಸಿನಿಮಾಗಳ ಹಾಡುಗಳ ಸುದ್ದಿ ಸದ್ದನ್ನು ಮಾಡುತ್ತಿದೆ. ಜವಾನ್ ಸಿನಿಮಾದಲ್ಲಿನ ಒಂದೇ ಒಂದು ಹಾಡಿಗಾಗಿ ನಿರ್ದೇಶಕ ಅಟ್ಲಿ (Atlee) ಬರೋಬ್ಬರಿ 15 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರೆ ಎನ್ನುವ ಸುದ್ದಿ ಈಗ ಅಭಿಮಾನಿಗಳಿಗೆ ಖುಷಿಯನ್ನು ನೀಡಿದೆ ಹಾಗೂ ಸಿನಿ ಪ್ರೇಮಿಗಳಿಗೆ ಅಚ್ಚರಿಯನ್ನು ಮೂಡಿಸಿದೆ. ಈ ಹಾಡಿನಲ್ಲಿ ನಾಯಕ ಶಾರೂಖ್ ಜೊತೆಗೆ ಸಾವಿರಾರು ಜನ ಹುಡುಗಿಯರು ಹೆಜ್ಜೆ ಹಾಕಿದ್ದಾರೆ.
ಇದು ನಾಯಕನ ಇಂಟ್ರುಡಕ್ಷನ್ ಸಾಂಗ್ ಎನ್ನಲಾಗಿದ್ದು, ಬಹಳ ಅದ್ದೂರಿಯಾಗಿ ಚಿತ್ರೀಕರಿಸಲಾಗಿದೆ ಎನ್ನಲಾಗಿದೆ. ಈ ಹಾಡಿಗಾಗಿ ಹೈದರಾಬಾದ್, ಚೆನ್ನೈ, ಮುಂಬೈ ಸೇರಿದಂತೆ ಬೇರೆ ಬೇರೆ ರಾಜ್ಯಗಳಿಂದ ಲೇಡಿ ಡಾನ್ಸರ್ ಗಳನ್ನು ಕರೆತಂದು ಡ್ಯಾನ್ಸ್ ಮಾಡಿಸಲಾಗಿದೆ ಎಂದು ಚಿತ್ರ ತಂಡ ಹೇಳಿದೆ. ಇನ್ನು ಈ ಹಾಡಿಗೆ ಶೋಬಿ ನೃತ್ಯ ಸಂಯೋಜನೆ ಮಾಡಿದ್ದು, ಸಂಗೀತವನ್ನು ನೀಡಿದ್ದಾರೆ ಅನಿರುದ್ಧ ರವಿಚಂದ್ರನ್.