ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಘೋಸ್ಟ್ ಸಿನಿಮಾ ಬಗ್ಗೆ ಈಗಾಗಲೇ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟು ಹಾಕಿರುವುದು ಮಾತ್ರವೇ ಅಲ್ಲದೇ ತೀವ್ರವಾದ ಕುತೂಹಲವನ್ನು ಸಹಾ ಮೂಡಿಸಿದೆ. ಈ ಸಿನಿಮಾ ವಿಚಾರವಾಗಿ ಇನ್ನಷ್ಟು ತಿಳಿಯುವ ಆಸಕ್ತಿ ಸಹಜವಾಗಿಯೇ ಅಭಿಮಾನಿಗಳಲ್ಲಿ ಮೂಡಿದೆ. ಈಗ ಘೋಸ್ಟ್ ಸಿನಿಮಾದ ಕುರಿತಾಗಿ ಇನ್ನಷ್ಟು ಆಸಕ್ತಿಕರ ಅಪ್ಡೇಟ್ ಗಳು ಹೊರಗಡೆ ಬಂದಿವೆ. ಈ ಅಪ್ಡೇಟ್ ಗಳು ಖಂಡಿತಾ ಅಭಿಮಾನಿಗಳ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡೋದ್ರಲ್ಲಿ ಯಾವುದೇ ರೀತಿಯ ಅನುಮಾನ ಖಂಡಿತ ಇಲ್ಲಾ ಅಂತಾನೆ ಹೇಳಬಹುದಾಗಿದೆ.
ಹೊಸ ಅಪ್ಡೇಟ್ ಗಳ ಪ್ರಕಾರ ಘೋಸ್ಟ್ ಸಿನಿಮಾ ಎರಡು ಭಾಗಗಳಲ್ಲಿ ತೆರೆಗೆ ಬರಲಿದೆ. ಈ ಸಿನಿಮಾ ಕನ್ನಡ, ತೆಲುಗು ಮತ್ತು ತಮಿಳು ಮೂರು ಭಾಷೆಗಳಲ್ಲಿ ಪ್ರೇಕ್ಷಕರನ್ನು ರಂಜಿಸಲಿದೆ. ಈ ಸಿನಿಮಾದ ಮತ್ತೊಂದು ಪ್ರಮುಖ ವಿಶೇಷತೆ ಅಥವಾ ಆಕರ್ಷಣೆ ಏನು ಅನ್ನೋದಾದ್ರೆ ಈ ಸಿನಿಮಾದಲ್ಲಿ ಶಿವಣ್ಣ ಅವರ ಪಾತ್ರಕ್ಕೆ ಮೂರು ಶೇಡ್ ಗಳು ಇದೆ ಅಂತ ಹೇಳಲಾಗಿದೆ. ಇನ್ನು ಸಿನಿಮಾದಲ್ಲಿ 1800 ಕ್ಕಿಂತಲೂ ಹೆಚ್ಚು ವಿಎಫ್ಎಕ್ಸ್ ಶಾಟ್ ಗಳಿರಲಿದ್ದು ಪ್ರೇಕ್ಷಕರಿಗೆ ಇದು ಒಂದು ಅದ್ಭುತ ಅನುಭವವನ್ನು ನೀಡಲಿದೆ.
ಘೋಸ್ಟ್ ಸಿನಿಮಾದ ಟೀಸರ್ ಜೊತೆಗೆ ಸಿನಿಮಾದ ಬಿಡುಗಡೆ ದಿನಾಂಕವನ್ನು ಕೂಡಾ ಚಿತ್ರತಂಡ ಪ್ರಕಟ ಮಾಡಲಿದೆ. ನಿರ್ದೇಶಕ ಶ್ರೀನಿಯವರ ಯುನಿವರ್ಸ್ ವಿಷನ್ ಮುಂದಿನ ಹದಿನೈದು ವರ್ಷಗಳವರೆಗೂ ಇರುತ್ತೆ ಅಂತ ಹೇಳಲಾಗುತ್ತಿದೆ. ಬೀರಬಲ್ ಪಾತ್ರವೂ ಈ ಸಿನಿಮಾದ ಒಂದು ಭಾಗವಾಗಿರುತ್ತದೆ ಅಂತ ಹೇಳಲಾಗಿದೆ. ಬೀರಬಲ್ 2024ರ ಅಂತ್ಯದ ವೇಳೆಗೆ ಬಿಡುಗಡೆ ಆಗಲಿದೆ ಎನ್ನುವ ಅಪ್ಡೇಟ್ ಬಂದಿದೆ. ಘೋಸ್ಟ್ ಸಿನಿಮಾದ ಈ ಹೊಸ ಅಪ್ಡೇಟ್ ಗಳು ಖಂಡಿತ ಪ್ರೇಕ್ಷಕರಿಗೆ ಹಾಗೂ ಅಭಿಮಾನಿಗಳಿಗೆ ಸಿನಿಮಾ ಬಗ್ಗೆ ಇನ್ನಷ್ಟು ಆಸಕ್ತಿಯನ್ನು ಹೆಚ್ಚಿಸಲಿದೆ.