ಚಂದ್ರಮುಖಿ 2 (Chandramukhi 2) ಸಿನಿಮಾದಲ್ಲಿ ಬಾಲಿವುಡ್ ಬೆಡಗಿ ಕಂಗನಾ ರಣಾವತ್ ನಟಿಸುತ್ತಿರುವ ವಿಚಾರ ಎಲ್ಲರಿಗೂ ತಿಳಿದೇ ಇದೆ. ಮೊನ್ನೆಯಷ್ಟೇ ಚಂದ್ರಮುಖಿ 2 ಸಿನಿಮಾದ ಸ್ವಾಗತಾಂಜಲಿ ಹಾಡನ್ನು ಬಿಡುಗಡೆ ಮಾಡಲಾಗಿದೆ. ಈ ಹಾಡಿನಲ್ಲಿ ಕಂಗನಾ ಭರತನಾಟ್ಯವನ್ನು ಮಾಡಿದ್ದು, ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ನಿರ್ದೇಶಕ ಎಮ್ ಎಮ್ ಕೀರವಾಣಿ ಈ ಹಾಡಿಗೆ ಅದ್ಭುತವಾದ ಸ್ವರ ಸಂಯೋಜನೆಯನ್ನು ಮಾಡಿ, ಸಂಗೀತವನ್ನು ನೀಡಿದ್ದಾರೆ.
ಆಗಸ್ಟ್ 12 ರಂದು ಸ್ವಾಗತಾಂಜಲಿ ಹಾಡನ್ನು ಬಿಡುಗಡೆ ಮಾಡಲಾಗಿತ್ತು. ಹಾಡಿನ ಬಿಡುಗಡೆ ನಂತರ ಸಂಗೀತ ನಿರ್ದೇಶಕ ಎಮ್ ಎಮ್ ಕೀರವಾಣಿ ಅವರ ಸಂಗೀತ ಸಂಯೋಜನೆಗೆ ಬಹಳ ಅದ್ಭುತವಾಗಿದೆ ಎಂದು ಸಾಕಷ್ಟು ಮೆಚ್ಚುಗೆ ಗಳು ಹರಿದು ಬರುತ್ತಿದೆ. ಆದರೆ ಇದೇ ವೇಳೆ ಇನ್ನೊಂದು ಕಡೆ ನೆಟ್ಟಿಗರು ನಟಿ ಕಂಗನಾರನ್ನು ಟ್ರೋಲ್ ಮಾಡುತ್ತಾ ಶಾಸ್ತ್ರೀಯ ನೃತ್ಯದ ಕೊ ಲೆ ಮಾಡಿದ್ದಾರೆ ಕಂಗನಾ ಎಂದು ಅಸಮಾಧಾನ ಹೊರ ಹಾಕುತ್ತಿದ್ದಾರೆ.
ನೆಟ್ಟಿಗರು, ಕಂಗನಾ ರಣಾವತ್ (Kangana) ಉತ್ತಮ ನಟಿಯಿರಬಹುದು ಆದರೆ ಆಕೆ ಉತ್ತಮ ಡ್ಯಾನ್ಸರ್ ಅಲ್ಲ ಎಂದು ಟೀಕೆ ಮಾಡಿದ್ದಾರೆ. ತರಬೇತಿ ಪಡೆದ ಡ್ಯಾನ್ಸರ್ ಅಲ್ಲದೇ ಹೋದರೂ ನಟಿ ಜ್ಯೋತಿಕಾ ಚಂದ್ರಮುಖಿ ಯಲ್ಲಿ ಅದ್ಭುತವಾಗಿ ಡ್ಯಾನ್ಸ್ ಮಾಡಿದ್ದರು, ಆದರೆ ಕಂಗನಾ ಅವರ ಈ ಡ್ಯಾನ್ಸ್ ಅಷ್ಟೇನೂ ಚೆನ್ನಾಗಿಲ್ಲ ಎಂದ ಕೆಲವರು ಕಾಮೆಂಟ್ ಗಳನ್ನು ಮಾಡಿದ್ದಾರೆ. ಅಲ್ಲದೇ ಅನುಷ್ಕಾ ಶೆಟ್ಟಿಗೆ ಈ ಪಾತ್ರ ನೀಡಬೇಕಿತ್ತು ಎಂದಿದ್ದಾರೆ ಕೆಲವರು.